Итамар Бен-Гвир, вазири амнияти миллии режими Исроил, бо интиқод аз мавқеи Амрико дар баробари барномаи ҳастаии Эрон гуфтааст, ки Вашингтон агар тасаввур кунад Теҳрон аз барномаи ҳастаии худ даст хоҳад кашид, “бисёр содалавҳ” аст.

Бен-Гвир шаби сешанбе, 23-уми июн, дар мусоҳиба бо “Шабакаи 7”-и Исроил изҳор доштааст, ки Эрон на танҳо аз барномаи ҳастаии худ ақибнишинӣ нахоҳад кард, балки ҳамчунон ба гуфтаи ӯ “дар пайи нобудии Исроил” аст.

Бен-Гвир таъкид кардааст, ки масъулияти муқобила бо ин таҳдид бар уҳдаи Исроил аст ва ин кишвар метавонад дар сурати зарурат “ба танҳоӣ иқдом кунад”.

Ӯ афзудааст, ки Исроил дар ҳеч шароите набояд бар асоси “дастурҳои муттаҳидон, ҳатто дӯстони қудратманд” амал кунад.

Ин изҳорот дар ҳоле матраҳ мешавад, ки гузоришҳо аз бавуҷуд омадани ихтилофот миёни Вашингтон ва Тел-Авив бар сари ҳамлаҳои Исроил ба Лубнон ҳикоят доранд: ҳамзамон бо идомаи музокирот миёни Амрико ва Эрон барои дастёбӣ ба тавофуқи сулҳи пойдор.

Dialog.tj