Муҳаммадбоқир Қолибоф, раиси Шурои Исломии Эрон, гуфтааст, ки идораи тангаи Ҳурмуз ҳаргиз ба вазъияти пеш аз ҷанг боз нахоҳад гашт.

Қолибоф шаби душанбе, 22-уми июн, дар парвози бозгашт пас аз гуфтугӯҳо дар Швейтсария, аз тимҳои музокиракунанда ба далели рафъи “муҳосира” аз тариқи роҳҳои дипломатӣ қадрдонӣ кардааст.

Ӯ афзудааст, ки Эрон ҳамвора ба Иёлоти Муттаҳида беэътимод будааст ва ин беэътимодӣ дар оянда низ идома хоҳад дошт.

Раиси порлумони Эрон гуфтааст, ки агар рафъи муҳосира аз тариқи низомӣ анҷом мешуд, сабабгори ҷанг ва хисороти густардатар мегардид, аммо ба гуфтаи ӯ ин вазъият аз роҳи дипломатия дар муддати кӯтоҳ тағйир кардааст.

Қолибоф ҳамчунон афзудааст, ки Исроил мухолифи раванди музокирот аст ва талош мекунад ин равандро тахриб кунад, зеро ба гуфтаи ӯ ин равандро муқобили манофеи худ мебинад.

Dialog.tj