Шаҳбоз Шариф, нахуствазири Покистон, эълом кардааст, ки музокироти сулҳ миёни Иёлоти Муттаҳида ва Эрон дар Швейтсария дар фазои “мусбат ва созанда” баргузор шуда ва пешрафтҳои умедбахше дар ин раванд ба даст омадааст.

Шаҳбоз Шариф рӯзи душанбе, 22-уми июн, бо нашри хабарномае гуфт, ки нахустин нишасти кумитаи олирутба дар чорчӯби Ёддошти тафоҳуми Исломобод дар Швейтсария бо муваффақият поён ёфтааст.

Ӯ афзудааст, ки дар ин нишаст тарафҳо рӯи як нақшаи роҳ барои расидан ба тавофуқи ниҳоӣ дар муддати 60 рӯз мувофиқа кардаанд.

Нахуствазири Покистон афзудааст, ки як кумитаи олирутба барои назорати сиёсӣ бар раванди музокирот эҷод шуда ва гуфтугӯҳои фаннии бештар низ оғоз хоҳад шуд.

Шаҳбоз Шариф аз уҳдадории Иёлоти Муттаҳида ва Эрон ба идомаи гуфтугӯҳо истиқбол карда ва аз Қатар ва Швейтсария ба хотири нақшашон дар ҳимоят ва тасҳили ин музокирот қадрдонӣ кардааст.

Ӯ таъкид кардааст, ки Покистон ба ҳимоят аз гуфтугӯ ва дипломатия барои дастёбӣ ба як роҳи ҳалли сулҳомез ва пойдор идома хоҳад дод.

Dialog.tj