Қатар ва Покистон дар баёнияе муштарак аз пешрафтҳои “дилгармкунанда” дар музокироти рӯзи гузаштаи Эрон ва Амрико дар Швейтсария хабар дода ва гуфтаанд, ки механизме барои идомаи гуфтугӯҳои фаннӣ миёни ду тараф эҷод шудааст.

Вазорати корҳои хориҷаи Покистон рӯзи душанбе, 22 –уми июн, бо нашри ин баёнияи муштарак дар саҳифаи “Икс” гуфтааст, ки як хатти иртиботӣ миёни тарафҳо эҷод шудааст, то аз ба вуҷуд омадани ҳаводис ва сӯитафоҳумҳо ҷилавгирӣ шавад ва убури амни киштиҳои тиҷоратӣ аз тангаи Ҳурмуз кафолат дода шавад.

Бар асоси баёния, гуфтугӯҳои фаннӣ дар бораи ҳамаи мавзуъҳо то поёни ҳафтаи ҷорӣ дар иқоматгоҳи Бюргеншток идома хоҳад ёфт.

Дар ин баёния ҳамчунин, гуфта шудааст, ки бар сари нақшаи роҳе барои дастёбӣ ба тавофуқи ниҳоӣ дар зарфи 60 рӯз мувофиқа шудааст.

Пештар, Аббос Ироқчӣ, вазири корҳои хориҷаи Эрон, низ аз “пешрафти умда” дар музокироти Эрон ва Амрико дар Швейтсария хабар дода буд.

Dialog.tj