Муҳаммад Боқир Қолибоф, раиси Маҷлиси Шурои Исломии Эрон, қарор аст тими эрониро барои имзои тавофуқномаи сулҳ миёни Эрон ва Амрико дар Швейтсария раҳбарӣ кунад.

Шабакаи “Ал-Ҷазира” рӯзи сешанбе, 16-уми июн, гузориш додааст, ки ин мавзуъро Маҷид Тахтравончӣ, муовини вазири корҳои хориҷаи Эрон баён кардааст.

Бар асоси гузориш, музокироти Эрон ва Амрико пас аз имзои ёддошти тафоҳум дар рӯзи ҷумъа дар Женеваи Швейтсария оғоз хоҳад шуд.

Тахтравончӣ гуфтааст, ки тими эронӣ аз ҷониби Муҳаммад Боқир Қолибоф ва тими амрикоӣ аз ҷониби Ҷей Ди Вэнс, муовини раиси ҷумҳури Амрико, раҳбарӣ хоҳад шуд.

Тахтравончӣ афзудааст: “Швейтсария маҳалли имзои тавофуқнома хоҳад буд, аммо макони дақиқи он ҳанӯз мушаххас нашудааст. Даври баъдии музокирот фавран пас аз имзо оғоз хоҳад шуд”.

Эрон ва Амрико дар ҳафтаҳои охир бо миёнҷигарии Покистон музокира карда, ба тавофуқе барои хотимаи ҷанг расидаанд.

Dialog.tj