Оид ба натиҷаҳои даври якуми Озмуни ҷумҳуриявии «Тоҷикистон – Ватани азизи ман» дар Вазорати фарҳанги Ҷумҳурии Тоҷикистон ҷаласа баргузор гардид.

Тавре ки маркази матбуоти Вазорати фарҳанг хабар медиҳад, дар чорабинӣ муовини сарвазири Ҷумҳурии Тоҷикистон, раиси Комиссияи ҷумҳуриявии озмун Дилрабо Мансурӣ, вазири фарҳанги Ҷумҳурии Тоҷикистон Матлубахон Сатториён ва дигар аъзои комиссия иштирок намуданд.

Иттилоъ дода мешавад, ки дар даври якуми Озмуни ҷумҳуриявии «Тоҷикистон – Ватани азизи ман» дар саросари кишвар 6245 кас аз рӯйи панҷ номинатсия иштирок намуда, аз ин шумора 2677 нафар ба даврҳои минбаъда роҳхат гирифтанд.

Гуфта мешавад, ки дар ВМКБ 320 нафар, вилояти Суғд 632 нафар, вилояти Хатлон 896 нафар, шаҳру ноҳияҳои тобеи ҷумҳурӣ 421 нафар ва шаҳри Душанбе 408 нафар ба даврҳои минбаъдаи озмун роҳ ёфтанд.

Ёдовар мешавем, ки Озмуни ҷумҳуриявии «Тоҷикистон- Ватани азизи ман» аз рӯйи номинатсияҳои оҳангсозӣ-бастакорӣ, сарояндагӣ, навозандагӣ, санъати тасвирӣ, ва дизайн доир мегардад.

Dialog.tj