Аҳмад Зоҳир, ҳунарманди шинохташуда ва аз чеҳраҳои мондагори мусиқии Афғонистон мебошад, ки бо садои хос ва сабки мухталифаш, ҷойгоҳи вижае дар таърихи мусиқии кишварҳои форсзабон ба даст оварда ва ба унвони яке аз маҳбубтарин хонандагони ҷаҳонӣ ёд мешавад.

Аҳмад Зоҳир дар 14-уми июн дар Кобул ба дунё омад ва дар даврони мактаб, замоне ки гурӯҳи мусиқии донишомӯзони литсейи Ҳабибия эҷод шуд, ба унвони овозхон ва аккордионнавоз фаъолияти худро оғоз кард.

Ӯ хеле зуд мавриди истиқболи ҷавонон қарор гирифт ва дар миёни ҳамсинфон ва дӯстдорони мусиқӣ ба номи “Булбули Ҳабибия” шинохта мешуд.

Аҳмад Зоҳир таҳсилоти ибтидоӣ ва миёнаи худро дар литсейи Ҳабибия ба поён расонд ва дар “Дорул-муаллимин”-и Кобул ба идомаи омӯзиш пардохт, сипас, ба Ҳиндустон рафт ва ду сол дар риштаи таълиму тарбия ба таҳсилоти худ идома дод.

Пас аз солҳои фаъолияти ҳунарӣ, саранҷом дар 14-уми июни соли 1979, ки далели маргашро “садамаи нақлиётӣ” унвон кардаанд, даргузашт ва чашм аз ҷаҳон пӯшид.

Аз замони даргузашти Аҳмад Зоҳир то кунун беш аз чор даҳа мегузарад ва ҳар сол дар солрӯзи вафоти ӯ, дӯстдорони мусиқӣ дар Тоҷикистон, Афғонистон, Эрон ва бархе кишварҳои дигар хотираи ин ҳунармандро гиромӣ медоранд.

Аҳмад Зоҳир дар даврони кӯтоҳи зиндагии худ тавонист бо иҷрои оҳангҳои мондагор, таъсири амиқе бар мусиқӣ бигузорад ва ба рамзе аз ҳунар, эҳсос ва садои наслҳои мухталиф табдил шавад.

Dialog.tj