Фармондеҳии марказии артиши Амрико (СЕНТКОМ) аз такмили ҳамлаҳои худ бар ҳадафҳое дар саросари Эрон хабар додааст.

СЕНТКОМ рӯзи панҷшанбе, 11-уми июн, дар саҳифаи “X” навиштааст, ки неруҳои амрикоӣ ба дастури Доналд Трамп, раиси ҷумҳури Амрико, ҳамлаҳои изофиро алайҳи чандин ҳадаф дар Эрон анҷом додаанд.

Бар асоси гузориш, СЕНТКОМ гуфтааст, ки ҳамлаҳои артиши Амрико алайҳи қобилиятҳои назоратии низомӣ, системаҳои иртиботӣ ва сомонаҳои дифои ҳавоии Эрон дар саросари ин кишвар будааст.

Фармондеҳии марказии артиши Амрико афзудааст, ки дар ин ҳамлаҳо неруҳои амрикоӣ ба ҳадафҳое дар Эрон ҳамла кардаанд, ки “таҳдид” барои неруҳои амрикоӣ ва киштиҳои тиҷоратии байналмилалӣ дар ҳоли убур аз обҳои минтақа буданд.

Ин дар ҳолест, ки расонаҳои эронӣ низ аз ҳамлаи неруҳои мусаллаҳи ин кишвар бар пойгоҳҳои Амрико дар кишварҳои минтақа хабар доданд.

Эрон ҳамчунин, аз баста шудани комили тангаи Ҳурмуз ба далели ҳамлаҳои Амрико ба нуқтаҳое дар ин кишвар хабар дод.

Dialog.tj