Бист олиму муҳаққиқи Ҷумҳурии Тоҷикистон ба узвияти Академияи илмҳои Осиё пазируфта шуданд.

Тавре ки Академияи миллии илмҳои Тоҷикистон хабар медиҳад, тибқи қарори қабулшуда, ба ҳайси аъзои комили (академикҳои) Академияи илмҳои Осиё Эмомалӣ Насриддинзода, Саймумин Ятимов, Қобилҷон Қурбонов, Сайфиддин Давлатзода, Талбак Назаров, Маҳкам Маҳмудзода, Муҳаммадюсуф Имомзода, Абдусаттор Саидов интихоб гардиданд.

Манбаъ меафзояд, ки ҳамзамон Қудрат Давлатзода, Хайрулло Назарзода, Маҳмадшоҳ Гулзода, Нуриддин Муҳиддин, Усмон Маҳмадёрзода, Саидмуқим Ибодзода, Илҳом Амонзода, Акобир Мирзораҳимзода, Муҳаммаддовуд Саломиён, Қосимшо Искандаров ва Жило Гулназарзода ба ҳайси аъзои вобаста (аъзои мухбир)-и Академияи илмҳои Осиё интихоб шуданд.

“Қабули олимони тоҷик ба ҳайати Академияи илмҳои Осиё барои таҳкими ҳузури Ҷумҳурии Тоҷикистон дар фазои ҷаҳонии илм, тавсеаи ҳамкориҳои байналмилалӣ, ҷалби лоиҳаҳои муштараки илмӣ ва баланд бардоштани нуфузу эътибори илмии кишвар заминаи мусоид фароҳам месозад”, - навиштааст манбаъ.

Dialog.tj