Аз 31-уми май то 8-ум июни соли равон дар шаҳри Новосибирски Федератсияи Русия Фестивали 4-уми байналмилалии театрҳои лӯхтак таҳти унвони «Перекресток» («Чорсу») баргузор гардид.

Бинобар иттилои маркази матбуоти Вазорати фарҳанги Ҷумҳурии Тоҷикистон, дар Фестивали 4-уми байналмилалии театрҳои лӯхтак ҳунармандони Театри давлатии ҷумҳуриявии «Лӯхтак»-и шаҳри Душанбе иштирок намуданд.

Манбаъ афзудааст, ки гурӯҳи эҷодии Театри давлатии ҷумҳуриявии «Лӯхтак»-и шаҳри Душанбе дар фестивали мазкур бо намоиши «Наврӯзи аҷам» ҳунар ва фарҳанги миллии тоҷиконро муаррифӣ намуданд.

“Иштирок дар ин фестивали бонуфуз барои муаррифии санъати театрии лӯхтаки Тоҷикистон дар арсаи байналмилалӣ, таҳкими ҳамкориҳои фарҳангӣ ва мубодилаи таҷриба бо театрҳои кишварҳои гуногун имконияти мусоид фароҳам меорад”, - омадааст дар иттилоия.

Dialog.tj