Доналд Трамп, раиси ҷумҳури Амрико иддао кардааст, ки муҳосираи бандарҳои дарёии Эрон аз сӯи Амрико қавитар аз бомбаборонҳо мебошад.

Шабакаи “Ал-Ҷазира”, рӯзи сешанбе, 9-уми июн гузориш додааст, ки ин мавзуъро Доналд Трамп, ҳангоми тарки Ню-Йорк ба самти Вашингтон, дар майдони ҳавоӣ ба хабарнигорон иброз кардааст.

Бар асоси гузориш, раиси ҷумҳури Амрико гуфтааст, ки фикр мекунад, ба як созиши хуб бо Эрон хеле наздик аст.

Трамп иддао кардааст: “Он чи ки собит шуда хеле қудратманд аст, муҳосира аст, муҳосираҳо хеле қавитар аз бомбборон ҳастанд ва дар асл як омезиши ҳамлаи аввалияи мо ва сипас, муҳосира буд, аммо медонед, ки иқтисоди онҳо воқеан зарар дидааст ва онҳо мақсад доранд ба созиш бирасанд”.

Дар ҳафтаҳои охир Доналд Трамп бо баёнияҳои муттазоди худ борҳо гуфтааст, ки ба имзои як созиши “хуб” бо Эрон хеле наздик аст.

Ба дунболи ҳамлаи 39-рӯзаи Амрико ва Исроил ба Эрон ва баста шудани тангаи Ҳурмуз аз ҷониби Теҳрон, Иёлоти Муттаҳидаи Амрико муҳосираи дарёии ин кишварро оғоз карда буд.

Dialog.tj