Расонаҳои байналмилалӣ хабар додаанд, ки Исроил, ҳамлаҳои ҳавоии худро бар Эрон, ба дархости Доналд Трамп, раиси ҷумҳури Амрико, мутаваққиф кардааст.

“Ал-Ҷазира”, соате пеш (8-уми июн), гузориш додааст, ки ин мавзеъро як мақоми исроилӣ баён кардааст.

Бар асоси гузориш, як мақоми исроилӣ, ки номаш фош нашуда, гуфтааст, ҳамлаҳо ба Эрон, ба дархости Трамп, мутаваққиф шудааст.

Ин мақоми исроилӣ афзудааст, ки агар ҳамлаҳои Ҳизбуллоҳ ба шаҳрҳои Исроил идома ёбад, Исроил ба ҷанубии Бейрут ҳамла хоҳад кард.

Ба дунболи ҳамлаҳои мушакии Эрон ба Исроил, Доналд Трамп, ба расонаҳои байналмилалӣ гуфта буд, ки аз Бинёмин Нетаняҳу, нахуствазири Исроил мехоҳад, ки ба ҳамлаҳои Эрон посух надиҳад.

Барак Ровид, хабарнигори “Аксиос”, ба нақл аз Трамп, дар “Х” навиштааст, ки ӯ ба дастёбӣ ба тавофуқе бо Эрон барои поёни доимии ҷанг “бисёр наздик” шуда ва намехоҳад раванди дипломатӣ ба далели ҳамлаҳои охири Эрон ба Исроил аз байн биравад.

Dialog.tj