Билетҳои мусобиқаи UFC 329, ки дар он собиқ чемпиони ташкилот дар ду вазн Конор Макгрегор ва собиқ чемпион дар вазни нимсабук Макс Холлоуэй рақобат мекунанд, дар муддати 240 сония фурӯхта шуданд, ки дар таърихи UFC рекорд аст.

Тибқи иттилои дастрас, аз ҳама билети гарон дар мусобиқаи мазкур 43 ҳазор доллар ва аз ҳама билети арзон 600 доллат мебошад. Аммо аз дасти дуюм билетҳо аз 1500 доллар оғоз мешаванд.

Бояд гуфт, ки мусобиқаи UFC 329 12-уми июл дар варзишгоҳи «T-Mobile Arena» баргузор мегардад ва рақобати Конор Макгрегор бо Макс Холлоуэймуҳорибаи асосии он хоҳад шуд.

Яке аз сабабҳои шавқовар ва сертаваҷҷуҳ шудани мусобиқаи мазкур ин бозгашти размкори ирландӣ Конор Макгрегор мебошад, ки аз соли 2021 инҷониб ба майдон набаромадааст.

Агарчи Конор Макгрегор ва Макс Холлоуэй дар вазни сабук баромад мекунанд, вале муҳорибаи навбатиашон дар вазни ниммиёна доир мегардад.

Dialog.TJ