Расонаҳои эронӣ хабар додаанд, ки неруи ҳавофазои Сипоҳи посдорон ба "мабдаи таҷовуз" ба як пойгоҳи мухобиротӣ дар Сирик, вилояти Ҳурмузгон дар ҷануби ин кишвар ҳамла кардааст.

Хабаргузории "Форс" рӯзи душанбе, 1-уми июн, гузориш додааст, ки ин ҳамла субҳи имрӯз аз сӯи Сипоҳи посдорони Эрон анҷом шудааст.

Бар асоси гузориш, Сипоҳи посдорони Эрон эълом кардааст, ки "мабдаи таҷовуз" ба як пойгоҳи мухобиротӣ дар ноҳияи Сирики вилояти Ҳурмузгонро ҳадаф қарор дода, ҳамаи аҳдофи қаблан таъйиншударо нобуд кардааст.

Сипоҳи посдорони Эрон ҳамчунин, неруҳои амрикоиро ба нақзи густардаи оташбаси миёни Эрон ва Амрико муттаҳам кардааст.

Дар гузориши "Форс" мушаххас нашудааст, ки кадом пойгоҳи неруҳои амрикоӣ дар минтақа "мабдаи таҷовуз" ба ҷануби Эрон будааст.

Дар ҳаминн ҳол, пештар расонаҳои ҷаҳонӣ аз фаъол шудани сомонаи зиддиҳавоӣ ва ба садо даромадани занги хатар дар Кувайт хабар дода буданд.

Dialog.tj