Чемпиони UFC дар вазни ниммиёна Ислом Махачев дар як мусоҳиба доир ба мусобиқаи UFCКохи сафед, Илия Топурия, Ҷастин Гейҷи ва Иэн Гэрри гуфт.

Ислом Махачев нахуст дар мавриди муҳорибаи асосии мусобиқаи UFC Кохи сафед, ки миёни чемпион Илия Топурия ва чемпиони муваққатии вазни сабук Ҷастин Гейҷи доир мешавад, ибрози назар кард.

“Ин рақобат барои алоқамандони муҳорибаҳои омехта бисёр шавқовар мешавад. Агарчи Ҷастин Гейҷи варзишгари ботаҷриба ва хеле қавӣ аст, вале синну солаш ба ҷое расидааст ва ман фикр мекунам, ки дар муҳорибаи мазкур Илия Топурияғолиб мешавад. Ҳоло замони Илия Топурия дар вазни сабук аст, зеро ӯ ҷавон ва хеле боистедод аст”, - гуфт Ислом Махачев.

Чемпиони вазни ниммиёнаи UFC ҳамчунин, доир ба муҳорибаи навбатиаш сухан карда, гуфт:

“Ман ба муҳорибаи навбатиам омодагӣ дида истодаам. Умед дорам, ки моҳи август дар мусобиқаи UFC 330 баромад мекунам. Агарчи довталабон хеле зиёданд, вале то ҳол расман ба мувофиқа нарасидем, ки кӣ мешавад рақибам. Кӣ шудани рақиб бароям аҳамият надорад, вале фикр мекунам, ки бо Иэн Гэрри рақобат хоҳем кард.

Dialog.TJ