Дар даври ниҳоии Лигаи чемпионҳои Аврупобошгоҳҳои “Пари Сен-Жермен” (“ПСЖ”)-и Фаронса ва “Арсенал”-и Англия бо ҳам қувваозмоӣ карданд.

Бозии мазкур дар варзишгоҳи “Пушкаш Арена”-и шаҳри Будапешти Маҷористон баргузор гардида, дар он бошгоҳи “ПСЖ” ғолиб шуд ва бори дуюм қаҳрамони Лигаи чемпионҳои Аврупо гардид.

Алоқамандони футбол аз бозии финалии Лигаи чемпионҳои Аврупо умеди зиёд доштанд, ки шавқовар мешавад, зеро дар он ду дастаи беҳтарини ҷаҳон барои маъруфтарин унвон қувваозмоӣ карданд, вале ин тавр нашуд. Вақти асосии бозӣ бо ҳисоби 1:1 поён ёфт. Дастаи “Арсенал” дар дақиқаи 6-ум ҳисоби бозиро кушод ва пурра ба ҳимоя нишаст. Футболбозони дастаи “ПСЖ” ҳамлаҳои пайдарпай карданд, вале бефоида. Дар натиҷа, дар дақиқаи 64-ум Усмон Дембеле аз зарбаи 11-метра ҳисоби бозиро баробар кард. Дар қисмҳои иловагӣ дастаҳо коре карда натавонистанд ва ба зарбаҳои 11-метра рафтанд. Дар бахши зарбаҳои 11-метра бошгоҳи фаронсавӣ бо ҳисоби 4:3 ғолиб шуд.

Ҳамин тавр, бошгоҳи “ПСЖ”-и Фаронса дар таърихи худ бори дуюм қаҳрамони Лигаи чемпионҳо шуд ва ин ҳам пайдарпай. Соли гузашта низ ин даста қаҳрамони мусобиқаи мазкур шуда буд.

Dialog.TJ