Бинобар иттилои шуъбаи рушди сайёҳии Мақомоти иҷроияи ҳокимияти давлатии шаҳри Душанбе, мавсими нави хатсайрҳои сайёҳии дохилишаҳрии «Red Bus Tours» («Саёҳат тавассути автобусҳои сурх») расман оғоз гардид.

Манбаъ навиштааст, ки лоиҳаи мазкур бо ташаббуси Мақомоти иҷроияи ҳокимияти давлатии шаҳри Душанбе дар ҳамкорӣ бо ширкатҳои сайёҳии «King Tour» ва «Somon Travel» бо мақсади рушди соҳаи сайёҳӣ, муаррифии имконияту зарфияти сайёҳии пойтахт, ҷалби бештари сайёҳони дохилӣ ва хориҷӣ, инчунин фароҳам овардани шароити мусоиди фароғатӣ барои сокинону меҳмонон амалӣ карда мешавад.

Таъкид мегардад, ки мавсими нави хатсайрҳои сайёҳии дохилишаҳрии «Red Bus Tours» то моҳи октябр идома меёбад. Сайру саёҳат дар аввал рӯзҳои истироҳатӣ ва минбаъд вобаста ба талаботи сайёҳон тавассути хариди чиптаҳои электронӣ ташкил карда мешавад.

Гуфта мешавад, ки ба ифтихори оғози мавсими нав рӯзи нахустини фаъолияти хатсайрҳо сайру саёҳат тавассути автобусҳои дуқабата барои сокинон ва меҳмонони шаҳр ба таври ройгон ташкил карда шуд.

Иттилоъ дода мешавад, ки ҳатсайрҳо аз наздимуҳимтарин иншооти фарҳангӣ, таърихӣ, маъмурӣва сайёҳии пойтахт гузашта, ба иштирокдоронимкон медиҳанд бо симои муосири Душанбе вамероси ғании таърихию фарҳангии он аз наздикшинос шаванд. Зимни саёҳат роҳбаладон бо забонҳои тоҷикӣ, русӣ ва англисӣ маълумоти муфассал пешниҳод намуда, ҳамзамон бо ҷалби ҳунармандон барои иштирокдорон фазои фарҳангиву фароғатӣ муҳайё карда мешавад.

Dialog.TJ