Бонки ҷаҳонӣ эълом карда, ки иқтисоди Афғонистон бо вуҷуди рушди маҳдуд, ҳамчунон бо чолишҳои ҷиддӣ рӯбарӯ аст ва ин рушд ба беҳбуди сатҳи зиндагии мардум ё афзоиши даромадҳо мусоидат накардааст.

Бонки ҷаҳонӣ рӯзи 26-уми май дар гузориши тоза гуфтааст, ки тавлиди нохолиси дохилии Афғонистон дар ҳудуди 4,8 дарсад рушд дошта, аммо ин рушд таҳти таъсири фишорҳои сохторӣ ва ҷамъиятӣ қарор дорад.

Дар ин гузориш омада, ки бозгашти миллионҳо афғон ба Афғонистон ва афзоиши тақозои дохилӣ дар канори маҳдудиятҳои иқтисодӣ, бар вазъияти умумии иқтисод таъсир гузоштааст.

Бонки ҷаҳонӣ мегӯяд, ки бо вуҷуди рушди иқтисодӣ, афзоиши аҳолӣ, заъфи сармоягузорӣ ва маҳдудиятҳои сохторӣ боис шуда, ки манфиати ин рушд ба мардум нарасад.

Ҳамчунон дар ин гузориш ба коҳиши даромади аҳолӣ ва афзоиши таваррум ишора шуда ва гуфта шудааст, ки фишорҳои иқтисодӣ бар зиндагии мардум бештар шудааст.

Dialog.tj