Раҷаб Тайиб Эрдуғон, раиси ҷумҳури Туркия дар гуфтугӯи телефонӣ бо Масъуд Пизишкиён, раиси ҷумҳури Эрон дар бораи равобити дуҷониба ва таҳаввулоти минтақаӣ ва ҷаҳонӣ гуфтугӯ кардааст.

Дафтари раёсати ҷумҳури Туркия рӯзи сешанбе, 26-уми май, эълом карда аст, ки дар ин тамоси телефонӣ ду тараф бар аҳамияти идомаи ҳамкориҳои дуҷониба ва тақвияти равобит миёни Анқара ва Теҳрон таъкид кардаанд.

Эрдуғон гуфта, ки Туркия ба ҳимоят аз талошҳо барои сулҳ ва субот дар минтақа аз тариқи гуфтугӯ ва музокирот идома хоҳад дод ва ҳалли буҳронҳои мавҷуд танҳо аз масири дипломатия имконпазир аст.

Ӯ ҳамчунон афзуда, ки даргириҳои ҷорӣ дар минтақа бар фазои Иди Қурбон соя андохта, аммо изҳори умедворӣ кардааст, ки мардуми Эрон битавонанд ин шароити душворро пушти сар бигузоранд ва ба амният ва субот даст ёбанд.

Раиси ҷумҳури Туркия дар ин гуфтугӯ бар аҳамияти идомаи гуфтумонҳо миёни кишварҳои минтақа ва ҷомеаи ҷаҳонӣ барои коҳиши танишҳо таъкид кардааст.

Эрдоғон ҳамчунон ба талошҳои кишвараш барои пешбурди равандҳои дипломатӣ дар хусуси буҳронҳои минтақаӣ ишора карда ва гуфта, ки Анқара омодаи идомаи ҳимоят аз ҳар гуна раванди гуфтугӯмеҳвар барои ҳалли ихтилофот аст.

Dialog.tj