Ба дунболи ҳамлаҳои рӯзи гузаштаи неруҳои амрикоӣ бар нуқоте дар ҷануби Эрон, неруҳои мусаллаҳи Эрон ҳушдор дод, ки ҳар гуна “таҷовузи ҷадид”, интиқоми густардатарро дар пай хоҳад дошт.

Шабакаи “Ал-Ҷазира”, рӯзи сешанбе, 26-уми май, гузориш додааст, ки Абулфазл Шикорчӣ, сухангӯи аршади неруҳои мусаллаҳи Эрон, ба додани посухҳои хушунатомезтар ба ҳамлаҳои Амрико таҳдид кард.

Бар асоси гузориш, Шикорчӣ гуфта, ки дар сурати вуқӯи даври дигари ҷанг, ҳамлаҳои Эрон фаротар аз марзҳои минтақа хоҳад рафт.

Рӯзи гузашта, неруҳои амрикоии мустақар дар минтақа, нуқоте дар ҷануби Эронро бомбборон карданд.

Ин ҳамла, ҳангоме аз сӯи неруҳои амрикоӣ сурат гирифта, ки бар асоси гузоришҳо, Вашингтон ва Теҳрон дар остонаи як тавофуқи эҳтимолӣ барои хатми ҷанг ҳастанд.

Dialog.tj