Марко Рубио, вазири корҳои хориҷаи Амрико, гуфтааст, ки музокирот барои расидан ба тавофуқ бо Эрон, мумкин аст ба замони бештаре ниёз дошта бошад.

“Рейтерз” рӯзи сешанбе, 26-уми май гузориш дода, ки ин мавзуъ, як рӯз пас аз ҳамлаи неруҳои амрикоӣ бар ҳадафҳое дар ҷануби Эрон, аз сӯи вазири хориҷаи Амрико, баён шудааст.

Рубио, дар тавзеҳи ҳамлаҳои Амрико гуфтааст, ки тангаи Ҳурмуз бояд “ба ҳар шакли мумкин” боз бимонад.

Бо вуҷуди барқарории оташбас аз аввалҳои моҳи апрел, Фармондеҳии марказии Амрико (Сентком) рӯзи гузашта дар баёнияе эълом кард, ки ҳамлаҳои тозаеро барои муҳофизат аз неруҳояш дар баробари “таҳдидҳои неруҳои эронӣ” анҷом додааст.

Рубио, пештар дар Деҳлии Нав ба хабарнигорон гуфта буд, ки Амрико пеш аз он ки бихоҳад бо Эрон “ба шеваи дигар” бархӯрд кунад, фурсати зиёде барои муваффақият ба дипломатия хоҳад дод.

Dialog.tj