Мақомҳои Арабистони Саудӣ эълом кардаанд, ки беш аз 1,5 миллион зоир аз кишварҳои мухталифи ҷаҳон барои адои маросими ҳаҷ вориди ин кишвар шудаанд.

Расонаҳои Арабистони Саудӣ рӯзи 25-уми май ба нақл аз мақомҳои Арабистон гузориш додаанд, ки ин шумор зоирон аз хориҷи Арабистон ворид шудаанд ва интизор меравад афроди бештаре низ дар рӯзҳои оянда ба ин кишвар бирасанд.

Аз рӯйи омори пешниҳодии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон имсол беш аз 5 ҳазор зоир аз Тоҷикистон барои адои маросими ҳаҷ вориди Арабистони Саудӣ шудаанд.

Маросими ҳаҷ, яке аз панҷ рукни Ислом, дар ҳоле оғоз шуда, ки танишҳои минтақаӣ ва буҳрони ҷаҳонии энержӣ ҳамчунон идома дорад.

Дар ҳамин ҳол, шуморе аз зоирон гуфтаанд, ки расидан ба Макка барои онҳо амалишавии орзуи дерина аст.

Dialog.tj