Вазорати корҳои хориҷаи Эрон гуфт, ки дар тавофуқи эҳтимолӣ бо Иёлоти Муттаҳидаи Амрико, тамаркузи Теҳрон бар хотимаи ҷанг дар тамоми ҷабҳаҳо аст ва баҳсе дар бораи вазъияти тангаи Ҳурмуз вуҷуд надорад.

Хабаргузории Тасним рӯзи душанбе, 25-уми май гузориш дода, ки ин мавзуъро Исмоил Бақоӣ, сухангӯи Вазорати хориҷаи Эрон, дар нишасти хабарии ҳафтаина бо хабарнигорон матраҳ кардааст.

Исмоил Бақоӣ гуфтааст, ки тамаркузи музокирот бар хотимаи ҷанг аст ва дар ин марҳила дар бораи барномаи ҳастаӣ суҳбат нахоҳад шуд.

Ӯ дар бораи таваққуфи ҷанг дар ҳамаи ҷабҳаҳо аз ҷумла Лубнон гуфтааст: “Ин дар матни тафоҳум вуҷуд дорад”.

Сухангӯи Вазорати хориҷаи Эрон афзудааст, ки дар тавофуқи эҳтимолӣ баҳсе дар бораи тангаи Ҳурмуз вуҷуд надорад ва чигунагии идораи ин танга марбут ба кишварҳои соҳилӣ мешавад.

Ӯ ҳамчунин, гуфтааст, ки дар ҳоли ҳозир барномае барои сафари ҳайати эронӣ ба Покистон вуҷуд надорад.

Dialog.tj