Маршал Сайид Осим Мунир, раиси неруҳои дифоии Покистон, бо Сайид Аббос Ироқчӣ, вазири хориҷаи Эрон дар бораи талошҳои дипломатӣ барои ҷилавгирӣ аз ташдиди танишҳо миёни Вашингтон ва Теҳрон дидор кард.

Хабаргузории “Тасним” рӯзи шанбе, 23-уми май гузориш додааст, ки дар дидори Осим Мунир ва Аббос Ироқчӣ дар пайванд ба тақвияти сулҳ, субот ва амният дар минтақаи Ғарби Осиё табодули назар шудааст.

Осим Мунир баъд аз зуҳри рӯзи гузашта барои машварат бо мақомоти эронӣ дар бораи музокироти Эрон ва Амрико вориди Теҳрон шуд.

Сафари Мунир ба Теҳрон дар чорчӯби талошҳои миёнҷигаронаи Покистон барои хатми ҷанг миёни Эрон ва Амрико хонда шудааст.

Пеш аз Осим Мунир, Сайид Муҳсин Нақвӣ, вазири дохилаи Покистон низ ба Теҳрон сафар кардааст.

Ба дунболи сафари ҳафтаи гузаштаи вазири дохилаи Покистон ба Теҳрон, Доналд Трамп, раиси ҷумҳури Амрико, эълом кард, ки барномаи ҳамлаи муҷаддади низомӣ алайҳи Эронро лағв кардааст.

Dialog.tj