Раиси конфронси бознигарии паймони манъи густариши силоҳҳои ҳастаӣ (NPT) гуфтааст, ки ин конфронс натавонист бар сари санади ниҳоӣ ба тавофуқ бирасад.

Хабаргузории “ТАСС”, рӯзи шанбе, 23-уми май гузориш додааст, ки ин конфронс дар моҳи гузашта дар қароргоҳи Созмони Милали Муттаҳид дар Ню-Йорк баргузор шудааст.

До Ҳун Вет, намояндаи доимии Ветнам дар Созмони Милал, ки раёсати конфронсро бар уҳда доштааст, гуфтааст, ки бо вуҷуди машваратҳои фишурда, конфронс натавониста дар бахши пешнависи санади ниҳоӣ ба тавофуқ бирасад.

Ӯ тавзеҳ додааст, ки пешнависи ин санад талоше барои ёфтани “заминаи муштарак” миёни се рукни аслии паймони манъи густариши силоҳҳои ҳастаӣ будааст: халъи силоҳи ҳастаӣ, ҷилавгирӣ аз густариши силоҳҳои ҳастаӣ ва истифодаи сулҳомез аз энержии ҳастаӣ.

Дар 27-уми апрел, ёздаҳумин конфронси бознигарии паймони манъи густариши силоҳҳои ҳастаӣ дар қароргоҳи Созмони Милал дар Ню-Йорк баргузор шуд.

Dialog.tj