Вазири корҳои хориҷаи Русия бар мухолифати қотеъи кишвараш бо ҳар гуна таҷовузи низомии дубораи Амрико ва Исроил ба Эрон таъкид кард.

Ба гузориши хабаргузории “РИА Новости” Сергей Лавров, вазири корҳои хориҷаи Русия рӯзи 22-уми май дар суҳбат бо расонаҳо гуфт: “Русия бо такрори таҷовузи низомӣ алайҳи Эрон қотеъона мухолиф аст”.

Вай афзуд: “Аз ҳама талошҳои миёнҷигарона бо ҳадафи пешбурди раванди ҳаллу фасли авзоъи перомуни Эрон аз тариқи абзорҳои сиёсӣ ва дипломатӣ истиқбол мекунем”.

Лавров ҳушдор дода, ки азсаргирии ҷанг дар минтақаи Халиҷи Форс паёмадҳои манфӣ барои кулли ҷаҳон ва иқтисоди он хоҳад дошт.

Ӯ ҳамчунин, идома дод: “Гуфтугӯи мустақим ва созанда миёни кишварҳои арабӣ ва Эрон барои тазмини муштараки пешбинипазирӣ ва субот дар Ховари Миёна зарурӣ аст”.

Dialog.tj