Тими футболи Арсенал пас аз 22 соли интизор, қаҳрамони Лигаи бартари Англия шуд.

Ин тим рӯзи сешанбе, 19-уми май пас аз мусовии як бар яки Манчестер Сити муқобили Борнмут, ба таври расмӣ унвони қаҳрамониро ба даст овард.

Арсенал дар тӯли фасл тақрибан дар бештари бозиҳо садрнишини ҷадвал буд ва дар ниҳоят бо чаҳор имтиёзи ихтилоф нисбат ба Манчестер Сити қаҳрамон шуд.

Манчестер Сити барои зинда нигоҳ доштани шонси қаҳрамонӣ ниёз ба пирӯзӣ дар ин дидор дошт, аммо танҳо ба мусовӣ ризоият дод ва бад-ин тартиб қаҳрамонӣ ба Арсенал расид.

Арсенал бо ин қаҳрамонӣ, чаҳордаҳумин унвони Лигаи бартари худро ба даст оварда ва нахустин ҷоми Лигаи бартари ин бошгоҳ аз фасли 2003–2004 ба ин сӯ маҳсуб мешавад.

Ин дар ҳолест, ки пас аз эъломи қаҳрамонӣ, ҷашнҳои густардае дар Лондон ва миёни ҳаводорони ин тим дар нуқоти мухталифи Британия баргузор шудааст.

Dialog.tj