Ҷей-Ди Вэнс, муовини раиси ҷумҳури Амрико гуфтааст, ки ҷанги ҷории Иёлоти Муттаҳида бо Эрон “доимӣ нахоҳад буд” ва Вашингтон дар ниҳоят онро мудирият хоҳад кард.

Вэнс рӯзи сешанбе, 19-уми май дар як нишасти хабарӣ дар Кохи Сафед дар Вашингтон ин изҳоротро матраҳ кардааст.

Ба гуфтаи Вэнс, давлати Амрико талош дорад дар канори мудирияти даргирӣ бо Эрон, аз ташдиди бештари танишҳо низ ҷилавгирӣ кунад.

Ӯ афзудааст: “Ин як ҷанги ҳамешагӣ нест. Мо кори худро анҷом медиҳем ва ба хона бармегардем”.

Дар ин нишаст ҳамчунон ба афзоиши нархи энержӣ ва паёмадҳои иқтисодии ҷанг миёни Эрон ва Амрико низ ишора шудааст.

Ин дар ҳолест, ки бар асоси гузоришҳо ҳамлаи Амрико ва Исроил бар Эрон аз 28-уми феврал оғоз шуда ва паёмадҳои густардае бар бозорҳои ҷаҳонии энержӣ бар ҷой гузоштааст.

Dialog.tj