Сайид Аббос Ироқчӣ, вазири корҳои хориҷаи Эрон рӯзи 19-уми май дар саҳифаи корбарии худ дар шабакаи иҷтимоии “Х” дар ёдрас ба иқдоми ҷангии Амрико бо интишори паёме навиштааст, ки дар сурати бозгашт ба майдони ҷанг Эрон ҳайратзадагиҳои бештареро ба намоиш мегузорад.

Сайид Аббос Ироқчӣ, вазири корҳои хориҷаи Эрон чунин афзуда: “Моҳҳо пас аз оғози ҷанг алайҳи Эрон, Конгресси Амрико ба нобудии даҳҳо фарванд ҳавопаймо ба арзиши миллиардҳо доллар эътироф кард.

Акнун ба таври расмӣ таъйид шудааст, ки неруҳои мусаллаҳи қудратманди мо нахустин неруе дар ҷаҳон буданд, ки ҷангандаи пешрафта ва пуровозаи F-35-ро сарнагун карданд”.

Вазири хориҷаи Эрон дар охири паёми худ чунин навиштааст: “Бо дарсҳое, ки омӯхтаем ва донише, ки ба даст овардаем, мутмаин бошед бозгашт ба майдони ҷанг бо шигифтиҳои бисёр бештаре ҳамроҳ хоҳад буд”.

Dialog.tj