Як мақоми Кохи Сафед эълом кардааст, ки Доналд Трамп, раиси ҷумҳури Амрико дар нишасти сарони Гурӯҳи ҳафт (G7), ки дар Фаронса баргузор мешавад, ширкат хоҳад кард.

Хабаргузории “Рейтерз” рӯзи чаҳоршанбе, 20-уми май гузориш дода, ки ин нишаст дар моҳи июн баргузор мешавад ва Трамп қарор аст дар он дар бораи мавзуъҳои мухталиф, аз ҷумла тиҷорат ва иноватсия сухан бигӯяд.

Бар асоси гузориш, Трамп қасд дорад дар ин нишаст дар бораи пайванди кумакҳои Амрико бо тиҷорат, тарвиҷи истифода аз абзорҳои ҳуши маснуъии сохти Амрико ва коҳиши нуфузи Чин бар занҷираҳои таъмини маводи маъдании ҳаётӣ суҳбат кунад.

Фаронса мизбони нишасти имсолаи Гурӯҳи ҳафт аст ва ин нишаст дар минтақаи сайёҳии Эвиан-ле-Бен дар наздикии кӯҳҳои Алп баргузор хоҳад шуд.

Баргузории ин нишаст ба рӯзҳои 15 то 17-уми июн барномарезӣ шудааст.

Dialog.tj