17-уми май дар саросари кишвар Дави миллӣ ва марафони велосипедронӣ баргузор шуд.

Тибқи иттилои Кумитаи кор бо ҷавонон ва варзиши назди Ҳукумати Ҷумҳурии Тоҷикистон, дар Душанбе беш зиёда аз 32 ҳазор кас дар Дави миллӣ ширкат варзиданд. Инчунин, дар пойтахт зиёда аз 400 нафар дар марафони велосипедронӣ иштирок намуданд.

Бинобар маълумоти хадамоти матбуоти раиси вилояти Хатлон, беш аз 30 ҳазор нафар дар шаҳри Бохтар дар Дави миллӣ иштирок намуданд. Инчунин, зиёда аз 1200 нафар дар маркази маъмурии вилояти Хатлон дар марафони велосипедронӣ ширкат карданд.

Хадамоти матбуоти раиси вилояти Суғд хабар медиҳад, ки дар шаҳри Хуҷанд бо иштироки беш аз 26 ҳазор нафар маъракаи васеи Дави миллӣ ва бо иштироки наздики 1000 нафар марафони велосипедронӣ баргузор шуд.

Ёдовар мешавем, ки дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола дар кишвар якшанбеи сеюми моҳи май Дави миллӣ гузаронида мешавад.

Dialog.tj