Сафири Чин дар Созмони Милал аз қатъномаи пешниҳодии Амрико ва Баҳрайн дар бораи тангаи Ҳурмуз интиқод кард.

Ба гузориши хабаргузориҳои Чин сафири ин кишвар дар Созмони Милал аз пешнависи қатъномаи пешниҳодии Амрико ва Баҳрайн дар бораи тангаи Ҳурмуз интиқод ва таъкид кард, ки муҳтаво ва замони он муносиб нест ва тасвиби он кумаккунанда нахоҳад буд.

Фу Кун, сафир ва намояндаи доимии Чин дар Созмони Милали Муттаҳид рӯзи 15-уми май аз пешнависи қатъномаи пешниҳодии Амрико ва Баҳрайн дар бораи тангаи Ҳурмуз интиқод кард ва гуфт, ки муҳтаво ва замонбандии ин пешнавис муносиб нест ва тасвиби он кумаке ба ҳалли масъала нахоҳад кард.

Ӯ гуфт: “Мо фикр намекунем муҳтавои ин пешнависи қатънома дуруст бошад ва замонбандии он низ муносиб нест”.

Вай афзуд: “Ончӣ мо ба он ниёз дорем, тарғиби ҳар ду тараф ба вуруд ба музокироти ҷиддӣ ва бо дилу нияти нек барои ҳаллуфасли ин масъала аст. Бинобар ин, муътақид нестем, ки судури як қатънома дар ин замон муфид бошад”.

Ӯ ҳамчунин изҳор дошт, ки агар тасмимгирӣ дар ин бора бар уҳдаи Чин буд, яъне ба унвони раиси давраии феълии Шурои Амнияти 15-узвӣ ҳаргиз ин қатъномаро ба раъй намегузошт.

Ба гузориши “Рейтерз” дипломатҳо гуфтаанд, ки агар ин қатънома ба овоздиҳӣ ҳам гузошта шавад, эҳтимолан бо ветои Русия ва Чин рӯбарӯ хоҳад шуд.

Dialog.tj