Созмони Милал дар як гузориши нави худ дар бораи вазъи озодии баён дар сатҳи ҷаҳон гуфтааст, ки мизони озодии баён аз соли 2012 то кунун коҳиши қобили мулоҳизае доштааст.

Ин ниҳод рӯзи душанбе, 11-уми май таъкид кардааст, ки рӯзноманигории озод, мустақил ва касбӣ барои демократия ва дастёбӣ ба ҳадафҳои рушди пойдор ҳаётан муҳим аст.

Гузориш аз сӯи ниҳоди илмӣ ва фарҳангии Созмони Милал (ЮНЕСКО) нашр шуда ва маълумоти солҳои 2022 -2025-ро дар бар гирифтааст.

Таҳлили ин гузориш нишон медиҳад, ки ин арзишҳо бо фишорҳои бесобиқае рӯ ба рӯ ҳастанд

Гузориш афзудааст: “Индекси ҷаҳонии озодии баён (V-Dem) дар даҳ соли гузашта 10 дарсад коҳиш ёфтааст, ки нишонаи ошкори заъиф шудани озодии матбуот, бо вуҷуди баъзе тамоюлҳои маҳдуди мусбат, мебошад.”

Бар асоси ин гузориш, маҷмуи ин фишорҳои сиёсӣ ва иҷтимоӣ озодии расонаҳо, гуногунандешӣ ва гуногунрангии расонаиро заъиф кардааст ва дар ду соли гузашта, рушди чашмраси зеҳни сунъӣ низ арзиши расонаҳоро бештар ба ҳошия рондааст.

Ин гузориш ҳамчунин, таҳдидҳои рӯзафзун бар зидди амнияти хабарнигоронро шарҳ додааст.

Dialog.tj