Бахши кумакҳои башардӯстонаи Иттиҳоди Аврупо эълом кардааст, ки пас аз селобҳои вайронгар дар Афғонистон, ҳазорон хонавода дар минтақаҳои мухталифи ин кишвар бо камбуди шадиди ниёзҳои асосӣ рӯбарӯ шудаанд.

Ин созмон рӯзи панҷшанбе, 7-уми май гузориш додааст, ки бо ҳамкории Салиби Сурх ва Ҳилоли Аҳмар (IFRC), кумакҳои фавриро барои осебдидагони селобҳо дар Афғонистон ироа мекунад.

Иттиҳоди Аврупо гуфтааст, ки ҳадафи ин кумакҳо, ҳимоят аз хонаводаҳо барои таъмини ниёзҳои фаврӣ ва кумак ба бозсозии зиндагии онон пас аз селобҳо аст.

Дар ҳафтаҳои ахир, селобҳои шадид дар бахшҳое аз Афғонистон хисороти густардае ба хонаҳо, заминҳои зироатӣ ва зерсохтҳо ворид карда ва ҳазорон танро таҳти таъсир қарор додааст.

Dialog.tj