Дар ҳамлаҳои тозаи режими Исроил ба Навори Ғазза, панҷ фаластинӣ дар минтақаҳои мухталиф кушта ва захмӣ шудаанд.

“Ал-Ҷазира” рӯзи панҷшанбе,7-уми май гузориш дода, ки дар маҳаллаи Зайтуни шаҳри Ғазза, се фаластинӣ дар натиҷаи як ҳамла кушта шудаанд, ки дар миёни онон як кӯдак низ шомил аст.

Дар як рӯйдоди дигар низ як фаластинӣ дар минтақаи Дараҷ бар асари ҳамлаи паҳподии Исроил ҷон бохта ва шумори дигар захмӣ шудаанд, ки ба шифохонаи Шифо интиқол ёфтаанд.

Ҳамчунин, гузориш шудааст, ки писари раиси дафтари сиёсии Ҳамос, бар асари ҷароҳатҳои бардошта аз ҳамлаи ҳавоии рӯзи гузашта дар наздикии Шуҷоъия ҷони худро аз даст додааст.

Бо вуҷуди эъломи оташбас, ҳамлаҳо дар бархе минтақаҳо ҳамчунон идома дорад ва паҳподҳои исроилӣ доиман бар фарози Ғазза дар парвоз ҳастанд.

Бар асоси гузориш, дар рӯзҳои ахир мизони даргириҳо афзоиш ёфта ва ғайринизомиён ҳамчунон бо хатари ҷиддӣ мувоҷеҳанд, ба гунае, ки ҳар рӯз шумори зиёде кушта ва захмӣ мешаванд.

Dialog.tj