Сайид Аббос Ироқчӣ, вазири корҳои хориҷаи Эрон аз пешрафти музокирот миёни Теҳрон ва Вашингтон хабар додааст.

Ироқчӣ рӯзи душанбе, 27-уми апрел дар сафараш ба Русия ин изҳоротро баён кардааст.

Ӯ гуфт: “Дар ҳар сурат, дар раванди музокирот пешрафтҳое сурат гирифт, аммо равишҳои нодуруст ва талаботи беш аз ҳадди Иёлоти Муттаҳида монеъ аз дастёбии даври қаблии музокирот ба ҳадафҳои худ шуд”.

Ироқчӣ афзудааст, ки Покистон нақши муҳимме дар миёнҷигарӣ барои музокироти Эрон ва Амрико ифо кардааст.

Вай бо ишора ба сафараш ба Покистон илова кард: “Мо ончӣ дар гузашта рух додаастро баррасӣ кардем ва дар бораи ин ки чигуна ва таҳти чӣ шароите музокирот метавонад идома ёбад, гуфтугӯ кардем”.

Вазири корҳои хориҷаи Эрон қарор аст имрӯз бо Владимир Путин, раиси ҷумҳури Русия, дидор кунад.

Пештар, расонаи хабарии амрикоии “Аксиос” гузориш дода буд, ки Эрон як пешниҳоди семарҳилаӣ барои идомаи музокирот бо Амрико ироа кардааст.

Dialog.tj