Бинобар иттилои Вазорати меҳнат, муҳориҷат ва шуғли аҳолии Ҷумҳурии Тоҷикистон, тоҷикони бурунмарзӣ, ки дар шаҳри Екатеринбурги Ҳавзаи федералии Урали Федератсияи Русия кору зиндагӣ доранд, ба мардуми аз офатҳои табиӣ осебдидаи Доғистон кумак расониданд.

Манбаъ меафзояд, ки ҳамватанон мо маблағ, масолеҳи сохтмонӣ, аз қабили семент, арматура, тахта, маводи ғизоӣ, сару либос ва дигар лавозимоти заруриро ҷамъоварӣ намуда, барои дастгирии оилаҳои зарардида равона карданд.

“Ташаббуси мазкур бори дигар нишон медиҳад, ки новобаста аз дурӣ аз Ватан, ҳамватанони мо ҳамеша дар ҳолатҳои душвор канори мардуми ниёзманд қарор гирифта, рӯҳияи кумакрасонӣ ва инсонпарвариро пуштибонӣ менамоянд. Кумаки башардӯстона на танҳо дастгирии моддӣ, балки паёми умед, ҳамдардӣ ва иттиҳоди инсонҳоро ба мардуми осебдида мерасонад”, - афзуда мешавад дар хабарнома.

Dialog.tj