Мақомоти иҷроияи ҳокимияти давлатии шаҳри Душанбе дар толори фарҳангии “Мактаби бачагонаи санъат ба номи Одина Ҳошим”-и пойтахт ба ифтихори Рӯзи пойтахти Ҷумҳурии Тоҷикистон чорабине баргузор намуда, ғолибони озмунҳои касбии соҳавӣ, ки то имрӯз гузаронида шуданд, қадрдонӣ кард.

Дар чорабинии мазкур ғолиби даври шаҳрии Озмуни «Хонандаи сол – 2025» хонандаи синфи 10-и Муассисаи давлатии таълимии «Мактаби байналмилалии президентӣ» аз ноҳияи Сино Нушофарин Раҷабзода қадрдонӣ шуд.

Иттилоъ дода мешавад, ки ба Нушофарин Раҷабзода Диплом ва мукофотпулӣ дар ҳаҷми 6000 сомонӣ тақдим гардид.

Ёдовар мешавем, ки Озмуни шаҳрии «Хонандаи сол – 2025» 6-ум ва 7-уми апрели равон дар Муассисаи давлатии «Маркази кӯдакон ва наврасони шаҳри Душанбе» баргузор гардида буд. Дар рӯзи якуми озмун аз иштирокчиён корҳои тестӣ ва корҳои хаттӣ аз фанҳои таълимӣ гирифта шуда, дар рӯзи дуюми озмун бошад, дастовардҳо, маҳорати суханварӣ ва донишҳои назариявии хонандагон баҳогузорӣ гардид.

Ҳамчунин, гуфта мешавад, ки дар чорабинии мазкур арбобони ҳунар ва эҷодкорони ҷавони санъати кишвар бо барномаи ҷолиби фарҳангии иборат аз дастагули суруду мусиқӣ табъи иштирокчиёни ҷамъомади идонаро болида гардониданд.

Dialog.tj