Як хонандаи Dialog.tj дар паёме иброз дошт, ки "Сити корт" бо тарофаи "тахфифӣ" дорад. Бо вуҷуди он ки дар корташ зиёда аз 60 сомонӣ ҳаст, дар автобус ва троллейбус баробари гузоштани корт ҷумлаи "Кортро дигар наздик накунед"-ро мешунавад.

Ин мушкилро мо пайгирӣ кардем ва аз масъулини "Сити корт" пурсидед.

- Аслан, шарти асосии ба тарофаи "тахфифӣ" пайваст шудан ин аст, ки мусофирон  корти худро зиёда аз 90 сомонӣ пур мекунанд. "Тарофаи "тахфифӣ"-и кортҳои нақлиётӣ се моҳ муҳлат дорад. Яъне, шаҳрвандон тӯли се моҳ корташонро бояд ҳадди ақал як маротиба бо маблағи зиёда аз 90 сомонӣ пур кунанд. Дар ҳолати зиёда аз се моҳ пур накардани корт бо зиёда аз 90 сомонӣ, пардохт аз рӯйи тарофа қатъ мегардад. Роҳи ҳалли ин мушкил пур кардани корт аст, - посух доданд аз "Сити корт".

Ёдовар мешавем, ки пардохт дар автобус ва троллейбусҳои пойтахт тариқи "Сити корт" аз соли 2018 инҷониб ба роҳ монда шудааст.

Dialog.tj