Дар Маҷлиси намояндагони Маҷлиси Олии Ҷумҳурии Тоҷикистон чорабинӣ дар мавзӯи “Масъалаҳои таълиму тарбия, сифати таҳсилот, гузариш ба низоми 12 солаи таълим” баргузор гардид.               

Тибқи иттилои маркази матбуоти Маҷлиси намояндагони Маҷлиси Олии Ҷумҳурии Тоҷикистон, чорабиниро муовини якуми раиси Маҷлиси намояндагони Маҷлиси Олии Ҷумҳурии Тоҷикистон Шермуҳаммад Шоҳиён ифтитоҳ намуда, таъкид кард, ки масъалаҳои бамиёнгузошташуда воқеан барои рушди устувори давлат ва ҷомеаи мо аҳаммияти калидӣ доранд.

“Соҳаи илму маориф ва танзими арзишҳои маънавию фарҳангӣ, аз ҷумла фаъолияти динӣ ва риояи анъанаҳои миллӣ, аз ҷумлаи самтҳое мебошанд, ки бевосита ба ташаккули ҷаҳонбинӣ, маърифат ва сатҳи масъулияти шаҳрвандии насли наврас таъсир мерасонанд”, - гуфтааст мавсуф.               

Гуфта мешавад, ки дар чорабинии мазкур Каримзода Ҷамшед, муовини вазири маориф ва илми Ҷумҳурии Тоҷикистон доир ба ваъзи таълиму тарбия дар муассисаҳои таълимии кишвар, инчунин, тадбирҳои баланд бардоштани сифати таълиму тарбия ва чораҳои ҳамкории байниидоравӣ андешаронӣ намудааст.

Dialog.TJ