6-уми апрел дар доираи аксияи ҷумҳуриявии “Ҳафтаи саломатӣ ва ҳуқуқи инсон” ва “Рӯзи умумиҷаҳонии тандурустӣ” таҳти унвони «Якҷоя ба суи саломатӣ. Якҷоя ба суи илм” дар Муассисаи давлатии «Пажӯҳишгоҳи гастроэнторологии Ҷумҳурии Тоҷикистон» шаҳрвандони мамлакат ба хизматрасонии тиббии ройгон фаро гирифта шуданд.

Тавре ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад, дар доираи аксияи мазкур зиёда аз 5600 нафар ба ташхису муоина ва машварати ройгон фаро гирифта шуда, инчунин, ба як қатор беморон ҷарроҳиҳои гаронарзиш, аз ҷумла дар самти ҷарроҳии дилу рагҳо, ҷарроҳӣ дар майнаи сар, ҷарроҳии чашм ба таври ройгон анҷом дода шуд.

Манбаъ меафзояд, ки имрӯз, 7-уми апрел чорабинии мазкур дар ҳамаи муассисаҳои табобатию пешгирии шаҳри Душанбе, вилоятҳои Суғду Хатлон, шаҳру ноҳияҳои тобеи ҷумҳурӣ оғоз гардад.

Афзуда мешавад, ки пагоҳ, 8-уми апрел дар ҳамаи муассисаҳои тандурустии ВМКБ чорабинии мазкур баргузор хоҳад шуд.

Дар ин росто, вазорат аз шаҳрвандони даъват мекунад, ки дар рӯз ва вақти муайянгашта ба муассисаҳои тандурустии маҳалли зисти худ рафта, хизматрасонии тиббии ройгон бигиранд.

Dialog.tj