Шумори талафот бар асари боришоти зиёд, сел, раъду барқ, лағзиши замин ва фурӯ рехтани боми хонаҳо дар Афғонистон ба 110 тан расидааст.

Гурӯҳи террористии Толибон рӯзи душанбе, 6-уми апрел эълом кардаанд, ки тайи 24 соати гузашта, 11 тан дар вилоятҳои мухталифи ин кишвар ҷон бохта ва шаш тани дигар захмӣ шудаанд.

Ин рӯйдодҳо тайи 12 рӯзи гузашта рух дода ва дар ин муддат 160 тан низ захмӣ шудаанд.

Ба гуфтаи Толибон, ҳафт тани дигар то кунун нопадид шудаанд.

Ин гурӯҳ эълом кардааст, ки 958 хона ба таври комил вайрон шуда ва 4 155 хонаи дигар осеби ҷузъӣ дидаанд.

Бар асоси эъломи ин гурӯҳ, беш аз 325 километр роҳ вайрон шуда ва ҳамчунин, заминҳои зироатӣ, каналҳои обёрӣ ва чоҳҳои оби ошомиданӣ низ осеб дидаанд.

Dialog.tj