Аз 6-ум то 10-уми апрели соли равон дар Ҷумҳурии Тоҷикистон сеюмин Фестивал-намоишгоҳи байналмилалии донишгоҳҳои давлатҳои хориҷӣ баргузор мегардад.

Фестивал-намоишгоҳи байналмилалии донишгоҳҳои давлатҳои хориҷӣ бо ташаббуси Муассисаи давлатии «Маркази барномаҳои байналмилалӣ» доир гашта, дар он зиёда аз 60 донишгоҳи бонуфузи хориҷӣ кишвар иштирок менамоянд.

Манбаъ меафзояд, ки дар фестивал довталабон имкон доранд бо намояндагони донишгоҳҳо суҳбат намуда, дар бораи барномаҳои таҳсил ва стипендияҳо маълумоти дақиқ гиранд.

Гуфта мешавад, ки ҷавонони тоҷик дар Фестивал-намоишгоҳи байналмилалии донишгоҳҳои давлатҳои хориҷӣ барои таҳсил дар зинаҳои бакалавриат, магистратура ва докторантура маълумоти муфассал пайдо мекунанд.

Иттилоъ дода мешавад, ки ҷадвали баргузории фестивал чунин аст: 6-ум ва 7-уми апрел дар шаҳри Душанбе, дар Маркази «ЭКСПО-Душанбе», 8-уми апрел дар варзишгоҳи марказии ноҳияи Данғара, ва 10-уми апрел дар Қасри варзиши шаҳри Хуҷанд.

Dialog.tj