Фридрих Мертс, садри аъзами Олмон бори дигар хостори поёни фаврии таҷовузи низомии Амрико ва Исроил алайҳи Эрон шуд ва ҳушдор дод, ки густариши ин ҷанг метавонад иқтисоди Аврупоро башиддат таҳти фишор қарор диҳад.

Мертс рӯзи душанбе, 30-уми март дар як конфронси хабарӣ дар Берлин изҳор кард: “Агар ин ҷанг ба як даргирии минтақавии бузург табдил шавад, ҳатто шадидтар аз давраи ҳамагирии КОВИД-19 ва марҳилаи оғози ҷанги Украина, Олмон ва Аврупоро таҳти фишор қарор медиҳад”.

Садри аъзами Олмон афзуд: “Умедворем роҳҳое барои поёни фаврии ҷанг пайдо кунем ва шояд дар ин бора бо Амрико ва Исроил гуфтугӯ кунем. Аммо фақат дар рӯзҳо ва шояд ҳафтаҳои оянда равшан хоҳад шуд, ки ин масъала то чӣ андоза имконпазир аст”.

Мертс ҳамчунин, гуфт, барномаи ҳастаӣ ва фаъолиятҳои минтақавии Эронро “сирфан бо абзорҳои низомӣ наметавон ҳаллу фасл кард”.

Садри аъзами Олмон рӯзи 27-уми март низ ҷанги таҷовузкоронаи Амрико ва Исроил алайҳи Эронро зери суол бурд ва гуфт, ки ин иқдом мунҷар ба муваффақият нахоҳад шуд.

Dialog.tj