Покистон ва гурӯҳи террористии Толибон пас аз оташбаси муваққат ба муносибати рӯзҳои ид, ҳамлаҳои сангин алайҳи якдигарро аз сар гирифтаанд.

Рейтерз рӯзи душанбе, 30-уми март гузориш дода, ки Покистон рӯзи гузашта ҳамзамон бо мизбонии вазирони хориҷаи кишварҳои Туркия, Арабистони Саудӣ ва Миср, ба бахшҳое аз Афғонистон ҳамла кардааст.

Толибон рӯзи гузашта эълом карданд, ки ҳамлаҳои тӯпхонаии Покистон дар вилояти Кунар як кушта ва 16 захмӣ бар ҷо гузоштааст.

Ба гуфтаи гурӯҳи террористии Толибон, қурбониёни ин ҳамла бештар занон ва кӯдакон ҳастанд.

Дар ҳамин ҳол, Толибон ба вулусволии Боҷур дар иёлати Хайбарпахтунхоҳ ҳамла кардаанд.

Мақомоти амниятии Покистон гуфтаанд, ки кишварашон танҳо ба гулулаборони сангин аз тарафи Афғонистон посух дода ва ҳеч макони ғайринизомиро ҳадаф қарор надодааст.

Толибон пеш аз ин муддаӣ шуда буданд, ки ҳудуди 400 тан дар ҳамлаи Покистон ба маркази дармон дар Кобул кушта шудаанд, аммо Исломобод ин иддаоро рад кардааст.

Dialog.tj