Як рӯзномаи арабӣ навишт: “Эял Замир, фармондеҳи артиши режими Исроил, нисбат ба хатари фурӯпошӣ дар сурати идомаи ҷанг алайҳи Эрон ҳушдор дод ва аз маъмуриятҳои давомдори артиш дар Лубнон, Эрон ва меҳварҳои дигар беш аз пеш изҳори нигаронӣ кард”.

Лилах Шуфал, хабарнигори бахши низомии рӯзномаи “Исроил ал-Явм”, дар ин бора гуфт: “Бо наздик шудан ба ҳафтаи чоруми ҷанг алайҳи Эрон ва дар шароите, ки артиш дар ҳоли густариши тасаллути худ бар ҷануби Лубнон аст ва ҳамзамон дар хатти зард дар Ғазза низ мустақар шудааст ва ҳамзамон интизор меравад аз даҳҳо шаҳраки ҷадид дар Каронаи Бохтарӣ низ муҳофизат кунад, Замир дар нишасти сиёсӣ–амниятии ҳайати вазирон эълом кард, ки артиш ба сарбозони бештар ниёз дорад, дар ғайри ин сурат фурӯ хоҳад пошид”.

Шуфал дар гузорише дар ин хусус овардааст: “Замир дар нишасти мазкур ба дархостҳои вазирон оиди сохтани шаҳракҳои ҷадид дар Каронаи Бохтарӣ гӯш дод ва эълом кард: ман дар бораи ин дархостҳо хатҳои сурхе эълом мекунам, зеро артиш ба қонуни ҷадиди сарбозгирӣ, қонуни неруҳои захира ва қонуни тамдиди хидмати ҳатмӣ ниёз дорад”.

Гуфта мешавад, ки Замир дар суҳбатҳои худ аз теъдоди зиёди маъмуриятҳое, ки ба артиш вогузор шудааст, изҳори нигаронӣ кардааст.

Dialog.tj