Дар пайи нашри наворе дар шабакаҳои иҷтимоӣ, ки лаҳзаи муноқиша ва рабудани телефони мобилии ронандаи таксие аз ҷониби ду духтар инъикос ёфтааст, кормандони ШВКД-2 дар ноҳияи Фирдавсӣ ҳамчун гумонбар ноболиғон Нурмуродова О. ва Мусоева С., сокинони 15-солаи шаҳри Душанбе дастгир карданд.

Тибқи иттилои Раёсати Вазорати корҳои дохилӣ дар шаҳри Душанбе, зимни санҷиш муайян гардид, ки номбурдагон 23-уми март нисбат ба Отаев Маҳмадёр, ронандаи воситаи нақлиёти мусофирбар дағалона муносибат намуда, як адад телефони мобилии ҷабрдидаро рабудаанд. Ҳамзамон, ронандаро мавриди латукӯб қарор дода, гӯши рости ӯро газида, ба ӯ ҷароҳати ҷисмонӣ расонидаанд.

Гуфта мешавад, ки ташхис муайян кардааст, ки ноболиғон Нурмуродова О. ва Мусоева С.  дар ҳолати мадҳушӣ қарор дошта, воситаҳои нашъадори навъи «Метамфетамин», ба истилоҳ «Кристалл»-ро истеъмол кардаанд.

Dialog.tj