Насираҳмад Фоиқ, сарпарасти Намояндагии доимии Афғонистон дар Созмони Милал, гуфтааст, ки гурӯҳи террористии Толибон бо бастани дарвозаҳои марказҳои омӯзишӣ бар рӯи духтарон, усули “инсонӣ ва исломӣ”-ро нақз кардаанд.

Фоиқ рӯзи ҷумъа, 27-уми март дар саҳифаи худ дар шабакаи иҷтимоии “Икс” навишта, ки Толибон панҷ сол аст дарвозаҳои мактабҳо ва марказҳои таҳсилоти олиро ба рӯи духтарон ва занони Афғонистон баста нигоҳ доштаанд.

Ӯ афзуда, ки ин тасмим “бар хилофи усули инсонӣ, дастуроти исломӣ ва аҳкоми шариат” аст.

Фоиқ таъкид кардааст, ин тасмим аз сӯи гурӯҳе гирифта шудааст, ки худро “ҷӯяндагони илм мехонанд, аммо дар амал, ба бадномсозии дини ислом, душманӣ бо мардуми Афғонистон, тадовуми ҷаҳл ва торикӣ” ва буҳрони кунунии Афғонистон анҷомидааст.

Ӯ гуфта, ки ин равиш сабаби густариши фақр, коҳиши зарфияти илмии Афғонистон ва афзоиши вобастагии ин кишвар ба кишварҳои ҳамсоя ва ҷомеаи ҷаҳонӣ шудааст.

Сарпарасти намояндагии Афғонистон дар Созмони Милал, ин тасмими Толибонро “хиёнати миллӣ ва ҷуброннопазир” хондааст.

Dialog.tj