Доналд Трамп, президенти Амрико пас аз он чи “дарси бузурги далермардони эронӣ” дар ҳамла ба бархе манофеи энергетикии Иёлоти Муттаҳидаи Амрико дар минтақа хонда шудааст, мавқеи нав гирифтааст.

Бино ба гузориши хабаргузории “Тасним”, пас аз посухи сахти нерӯҳои мусаллаҳи Эрон ба таҷовузи низомии Исроил ба таъсисоти газии Порси Ҷанубӣ, Трамп эълом кард, ки дигар Исроил ба ин минтақа ҳамла нахоҳад кард.

Ӯ ҳамчунин, иддао кард, ки Амрико аз ҳамлаи Исроил ба Порси Ҷанубӣ огоҳ набуд.

Ин дар ҳолест, ки пештар расонаҳои амрикоӣ-исроилӣ эътироф карда буданд, ки ҳамлаи Исроил ба Порси Ҷанубӣ бо ҳамоҳангӣ ва огоҳии Амрико анҷом шудааст.

Неруҳои мусаллаҳи Эрон пас аз ин ҳамла, бо як посухи шадид ба таъсисоти нафтӣ ва газӣ дар минтақаи Халиҷи Форс, ки амрикоиҳо дар он саҳм доранд, таҳдиди қаблии худро амалӣ карданд.

Эрон дар ҷараёни посухи худ ба таъсисоти Рас Лаффан дар Қатар ҳамла кардааст. Ҳамчунин, бархе гузоришҳо аз ҳамла ба манофеи Амрико дар Арабистони Саудӣ ҳикоят доранд.

Эрон ҳамчунин, таъкид кардааст, ки ҳар гуна ҳамла ба зерсохторҳои худ бо ҳамлаи бузургтар ба зерсохторҳои душман ва ҳар гуна ҳамла ба таъсисоти нафтӣ, полоишгоҳӣ ва газии худ бо посухи сахттар дар ҳамин замина рӯбарӯ хоҳад шуд.

Dialog.tj