Шоми гузашта бозиҳои ҷавобии марҳилаи ҳаштякниҳоии Лигаи чемпионҳо доир гаштанд ва ҳамин тавр ҳамаи иштирокчиёни даври ¼ ниҳоии Лигаи чемпионҳо маълум шуданд.

Имсол дар даври ¼ ниҳоии Лигаи чемпионҳо аз як тараф бошгоҳҳои «ПСЖ» – «Ливерпул», «Реал Мадрид» – «Бавария» ва аз ҷониби дигари ҷадвал «Барселона» – «Атлетико Мадрид», «Спортинг» – «Арсенал» рақобат мекунанд.

Дастаҳо дар даври ¼ ниҳоӣ низ монанди марҳилаи ҳаштякниҳоӣ ду бозӣ, яке дар майдони худу дигаре дар меҳмонӣ мегузаронанд.

Иттилоъ дода мешавад, ки бозиҳои якуми марҳилаи ¼ ниҳоии Лигаи чемпионҳо 7-8-уми апрел ва бозиҳои ҷавобӣ бошанд, 14-15-уми апрел доир мегарданд.

Ёдовар мешавем, ки тибқи нақшаи пешакӣ даври ниҳоии Лигаи чемпионҳо дар варзишгоҳи “Пушкаш Арена”-и Будапешт 30-юми майи соли равон доир мегардад.

Dialog.tj